தேவைப்பட்டால் ஆண்டிப்பட்டியில் திமுகவுக்காக பிரச்சாரம்: நடிகை ஹேமமாலினி

சென்னை:

தேவைப்பட்டால் ஆண்டிப்பட்டி தொகுதியில் திமுக வேட்பாளரை ஆதரித்து தேர்தல் பிரச்சாரம் செய்வேன் என்றுபிரபல இந்தி நடிகை ஹேமமாலினி கூறினார்.

இந்தியத் திரைப்பட வளர்ச்சிக் கழகம் சார்பில் நேற்று (வியாழக்கிழமை) நடந்த திரைப்பட விழாவில் கலந்துகொண்ட ஹேமமாலினி பின்னர் நிருபர்களிடம் பேசியபோது இவ்வாறு கூறினார்.

ஆண்டிப்பட்டி தேர்தலில் நான் தேர்தல் பிரச்சாரம் செய்தால் எனது தமிழ் உச்சரிப்பு அந்த மக்களுக்குப் புரியுமாஎன்று தெரியவில்லை. என்னை அவர்களுக்குத் தெரியுமோ, தெரியாதோ என்றும் ஹேமமாலினி கூறினார்.

வரும் உத்திரப் பிரதேச சட்டசபைத் தேர்தலில் பாஜகவுக்கு ஆதரவாகப் பிரச்சாரம் செய்வேன். அதனால் பாஜககூட்டணியில் உள்ள திமுகவுக்கு ஆதரவாகத் தேவைப்பட்டால் ஆண்டிப்பட்டியில் பிரச்சாரம் செய்வேன் என்றும்ஹேமமாலினி நிருபர்களிடம் தெரிவித்தார்.