வாக்காளர் பட்டியல் குளறுபடி: 2 நகராட்சி கமிஷனர்கள் டிரான்ஸ்பர்

வாணியம்பாடி:

வாக்காளர் பட்டியல் தயாரித்ததில் குளறுபடிகள் நடந்ததற்குக் காரணமான வாணியம்பாடி மற்றும் ஆம்பூர் நகராட்சிகமிஷனர்கள் இடமாற்றம் செய்யப்பட்டுள்ளனர்.

வாணியம்பாடி தொகுதியில் வாக்காளர் பட்டியல் தயாரிப்பில் குளறுபடிகள் நடந்திருப்பதை மத்திய தேர்தல்அதிகாரியான கே.ஜே. ராவ் கண்டுபிடித்தார்.

இதையடுத்து அத்தொகுதியில் இடைத் தேர்தல் ஒத்திவைக்கப்பட்டது. மேலும் குளறுபடிகளுக்குக் காரணமானஅதிகாரிகள் மீது கடும் நடவடிக்கை எடுக்கும்படி தலைமை தேர்தல் ஆணையம் தமிழக அரசுக்கு உத்தரவிட்டது.

இதையடுத்து குளறுபடிகளுக்குக் காரணமான வாணியம்பாடி நகராட்சி கமிஷனர் முத்துச்செல்வம் மற்றும் ஆம்பூர்நகராட்சி கமிஷனர் பி.வி. போஸ் ஆகியோர் இடமாற்றம் செய்யப்பட்டுள்ளனர்.

முத்துச்செல்வம் வேலூர் மாவட்டத்தில் உள்ள திருப்பத்தூர் நகராட்சி கமிஷனராகவும், பி.வி. போஸ் போடிநகராட்சி கமிஷனராகவும் இடமாற்றம் செய்யப்பட்டுள்ளனர்.

வாணியம்பாடி தாசில்தார் நாகராஜன் ஏற்கனவே இடமாற்றம் செய்யப்பட்டு விட்டார். மேலும் வாணியம்பாடிநகராட்சி அதிகாரி ராமமூர்த்தியும் கணக்கெடுப்பு நடத்திய ஆசிரியை கவியரசியும் ஏற்கனவே சஸ்பெண்ட்செய்யப்பட்டுள்ளனர்.