ஆண்டிப்பட்டியில் திமுகவுக்கு ஆதரவாக பாஜக பிரச்சாரம்

கடலூர்:

ஆண்டிப்பட்டி தொகுதியில் திமுக வேட்பாளருக்கு ஆதரவாக பாஜக பிரச்சாரம் செய்யும் என்று அக்கட்சியின்தமிழகத் தலைவர் டாக்டர் கிருபாநிதி கூறினார்.

கடலூரில் நேற்று (ஞாயிற்றுக்கிழமை) நடந்த பாஜக பொதுக்கூட்டத்தில் கிருபாநிதி கூறியதாவது:

ஆண்டிப்பட்டி தொகுதி இடைத் தேர்தலில் போட்டியிடும் திமுக வேட்பாளரான வைகை சேகருக்கு ஆதரவாகபாஜக பிரச்சாரம் செய்யும்.

தேசிய முன்னணியில் அங்கம் வகிக்கும் மற்றொரு கட்சியான மதிமுகவும் இத்தொகுதியில் போட்டியிடுவதால்திமுகவுக்கு எந்தவிதமான பாதிப்பும் இருக்காது.

சைதாப்பேட்டை மற்றும் வாணியம்பாடி தொகுதிகளில் வாக்காளர் பட்டியல் முறைகேடு காரணமாக தேர்தல்ஒத்திவைக்கப்பட்டதைப் போல் ஆண்டிப்பட்டியிலும் ஒத்திவைக்கப்பட்டிருக்க வேண்டும்.

தேர்தல் கமிஷனின் இந்த ஒருதலைப் பட்சமான போக்கு வன்மையாகக் கண்டிக்கத்தக்கது என்றார் கிருபாநிதி.