ஆண்டிப்பட்டி தேர்தல்: திமுக ஆதரவைக் கோருகிறார் கிருஷ்ணசாமி

சென்னை:

ஆண்டிப்பட்டி தேர்தலில் திமுக உள்ளிட்ட பல கட்சிகளின் ஆதரவைக் கேட்க இருப்பதாக புதிய தமிழகம் கட்சித்தலைவரும் அத்தொகுதி வேட்பாளருமான டாக்டர் கிருஷ்ணசாமி கூறியுள்ளார்.

இதுகுறித்து சென்னையில் இன்று (திங்கட்கிழமை) கிருஷ்ணசாமி நிருபர்களிடம் கூறியதாவது:

ஆண்டிப்பட்டியில் ஜெயலலிதாவை எதிர்த்து அனைத்துக் கட்சிகளும் பொது வேட்பாளரை நிறுத்தியிருந்தால்,தமிழக அரசியலில் பெரிய மாற்றம் ஏற்பட்டிருக்கும்.

எனக்கு ஆதரவாக திமுக உள்ளிட்ட அனைத்துக் கட்சிகளின் ஆதரவைக் கேட்க உள்ளேன்.

தந்தை பெரியாரின் கொள்கைகளை பேசி வரும் திராவிடக் கட்சிகள், 4 பஞ்சாயத்து யூனியன்களில் உள்ளாட்சித்தேர்தலை நடத்தாதன் மூலம் பெரியாருக்குத் துரோகம் இழைத்து விட்டனர்.

இந்த 4 இடங்களிலும் உள்ளாட்சித் தேர்தல் நடத்த விடுதலைச்சிறுத்தைகள் அமைப்பின் தலைவர்திருமாவளவனின் தலைமையில் பிப்ரவரி 4ம் தேதி மதுரை கலெக்டர் அலுவலகத்தின் முன்பு நடைபெறும்போராட்டத்தில் எங்கள் கட்சியும் கலந்து கொள்ளும் என்று கிருஷ்ணசாமி கூறினார்.