நைஜீரியா ராணுவ கிடங்கில் தீ: 600 பேர் பலி

லாகோஸ்:

நைஜீரியாவில் ராணுவக் கிடங்கில் தீவிபத்து ஏற்பட்டு அங்குள்ள வெடிபொருட்கள் வெடித்ததன் காரணமாகதப்பியோடியபோது, அருகில் உள்ள கால்வாயில் விழுந்து 600 பேருக்கு மேல் பலியாகியுள்ளனர்.

நைஜீரியா நாட்டின் தலை நகர் லாகோஸில் உள்ள மார்க்கெட்டில் கடந்த ஞாயிற்றுக்கிழமை இரவு 10.30 மணிக்குதீப்பிடித்தது. இந்த தீ ராணுவக் கிடங்கின் ஒரு பகுதியில் தீப்பிடித்து பிறகு ராணுவக் கிடங்கு முழுவதும் தீப்பிடித்தது.

இதனால் அங்கிருந்த வெடிபொருட்கள் வெடிக்க ஆரம்பித்தன. நூற்றுக்கும் மேற்பட்ட சிறிய ஏவுகணைகள்அருகிலுள்ள வீடுகளைச் சென்று தாக்கின. சுமார் 30 கி.மீ. தூரம் வரை அந்த ஏவுகணைகள் சென்று தாக்கியுள்ளன.

இதனால் அந்த நகரத்தைச் சுற்றிலும் வானில் புகைமூட்டம் நிலவியது. இதையடுத்து அங்கிருந்த ஆயிரக்கணக்கானமக்கள் பீதியடைந்து தங்கள் குடும்பங்களுடன் தப்பி ஓடத் தொடங்கினர்.

கண் மண் தெரியாமல் அவர்கள் ஓடியவர்களில் பெரும்பாலானவர்கள் அருகில் உள்ள ஒரு பெரிய கால்வாயில்தவறி விழுந்து, தண்ணீரில் மூழ்கி இறந்தனர்.

அந்தக் கால்வாயிலிருந்து இதுவரை 600க்கும் மேற்பட்ட உடல்கள் மீட்கப்பட்டுள்ளன. இன்னும் நூற்றுக்கணக்கானமக்கள் அந்தக் கால்வாயில் சிக்கி இறந்திருக்கலாம் என்று அஞ்சப்படுகிறது.

நகரின் பெரும்பாலான பகுதிகள் தீயில் எரிந்து சாம்பலாகி விட்டன.