ஸ்டாலின் மகனுக்கு பிப். 25ல் திருமணம்

சென்னை:

திமுக தலைவர் கருணாநிதியின் பேரனும், சென்னை மேயர் முக.ஸ்டாலினின் மகனுமான உதயநிதியின் காதல் திருமணம் பிப்ரவரி 25ம்தேதி சென்னையில் திமுக பொதுச் செயலாளர் க.அன்பழகன் தலைமையில் நடக்கிறது.

ஸ்டாலினின் ஒரே மகன் உதயநிதி. இவருக்கும் காரைக்குடியைச் சேர்ந்த ராமசாமி செட்டியார் மகள் கிருத்திகாவுக்கும் இடையே காதல்ஏற்பட்டது. பெரியோர்களின் சம்மதத்துடன் இருவருக்கும் திருமணம் நிச்சயிக்கப்பட்டது. அக்டோபர் மாதம் 29ம் தேதி சென்னையில்திருமண நிச்சயதார்த்தம் நடந்தது.

திருமணம் அண்ணா அறிவாலய வளாகத்தில் அமைந்துள்ள கலைஞர் அரங்கத்தில் நடக்கிறது. அன்பழகன் திருமணத்திற்குத்தலைமையேற்று தாலி எடுத்துக் கொடுக்கிறார். திருமண அழைப்பிதழில் கருணாநிதி கைப்பட எழுதிய வாசகங்கள் இடம் பெற்றுள்ளன.