சேலம்: வேன்-லாரி நேருக்கு நேர் மோதி 4 பேர் பலி

சேலம்:

சேலம் அருகே வேனும் லாரியும் நேருக்கு நேர் மோதிக் கொண்டதில் 4 பேர் பலியாயினர்.

சேலத்திலிருந்து ஈரோடு நோக்கி திருமண கோஷ்டினரை ஏற்றிக் கொண்டு ஒரு வேன் சென்று கொண்டிருந்தது.

அப்போது கோயம்புத்தூரிலிருந்து பாண்டிச்சேரிக்குச் சென்று கொண்டிருந்த ஒரு லாரி, சங்ககிரி அருகே இந்தவேனுடன் நேருக்கு நேர் பயங்கரமாக மோதியது.

இவ்விபத்தில் வேனில் பயணம் செய்த 2 பேர் சம்பவ இடத்திலேயே உடல் நசுங்கி உயிரிழந்தனர்.

மேலும் 2 பேர் மருத்துவமனைக்குக் கொண்டு செல்லப்படும் வழியிலேயே இறந்தனர்.

இவ்விபத்தில் காயமடைந்த 16 பேர் மருத்துவமனையில் சிகிச்சை பெற்று வருகின்றனர். அவர்களில் 2 பேர்நிலைமை கவலைக்கிடமாக உள்ளது.

இவ்விபத்து குறித்து சங்ககிரி போலீசார் விசாரணை நடத்தி வருகின்றனர்.