விரைவில் அதிமுகவில் இணைகிறார் கண்ணப்பன்
சென்னை:
மக்கள் தமிழ் தேசம் கட்சித் தலைவரும் முன்னாள் அமைச்சருமான கண்ணப்பன் தன்னுடைய கட்சியைக்கலைத்துவிட்டு மீண்டும் அதிமுகவில் விரைவில் சேரவுள்ளார்.
முந்தைய அதிமுக ஆட்சியின்போது ஜெயலலிதாவின் அமைச்சரவையில் இருந்த கண்ணப்பன், பின்னர் கடந்த சிலஆண்டுகளுக்கு முன் அதிமுகவிலிருந்து விலகினார்.
பிறகு மக்கள் தமிழ் தேசம் என்ற கட்சியை கண்ணப்பன் தொடங்கினார். கடந்த சட்டசபைத் தேர்தலில்இக்கட்சியினர் பல இடங்களில் போட்டியிட்டனர்.
தற்போது மீண்டும் அதிமுகவிலேயே சேரவேண்டும் என்று மக்கள் தமிழ் தேசம் கட்சி நிர்வாகிகளும்தொண்டர்களும் விருப்பம் தெரிவித்தனர்.
இதையடுத்து மாவட்ட வாரியாக அக்கட்சித் தொண்டர்களிடம் ஆலோசனை நடத்தப்பட்டது.பெரும்பாலானவர்கள் மீண்டும் அதிமுகவில் சேருவதற்கு விருப்பம் தெரிவித்தனர்.
இதையடுத்து வரும் 8ம் தேதி சென்னையில் நடைபெறவுள்ள மக்கள் தமிழ் தேசம் கட்சியின் மாநிலப் பொதுக்குழுக்கூட்டத்தில், அதிமுகவுடன் இணைவது குறித்து இறுதி முடிவு எடுக்கப்படவுள்ளது.
பின்னர் முடிந்தால் அன்றைய தினமே அதிமுகவுடன் மக்கள் தமிழ் தேசம் கட்சியை இணைக்கவும் முடிவுசெய்யப்பட்டுள்ளதாகத் தெரிகிறது.