அமெரிக்க பட்ஜெட்: இந்திய ராணுவத்துக்கு ரூ.250 கோடி

வாஷிங்டன்:

இந்தியாவுக்கு நிதியுதவி அளிப்பதற்காக அமெரிக்க பட்ஜெட்டில் ரூ.755 கோடி ஒதுக்கப்பட்டுள்ளது.

நேற்று (திங்கள்கிழமை) அமெரிக்க நாடாளுமன்றத்தில் பட்ஜெட் தாக்கல் செய்யப்பட்டது.

வெளி நாடுகளுக்கு கடன் உதவி அளிப்பதற்கு மட்டும் ரூ.1,27,000 கோடி நிதி இந்த பட்ஜெட்டில் ஒதுக்கப்பட்டது.இதில் இந்தியாவுக்கு மட்டும் ரூ.755 கோடி நிதி ஒதுக்கப்பட்டுள்ளது.

பயங்கரவாதத்தை ஒடுக்குவதற்கான நடவடிக்கைகளை எடுப்பதற்காக இந்திய ராணுவத்திற்காக மட்டும் ரூ.250கோடியை அமெரிக்கா ஒதுக்கியுள்ளது. ஆனால் கடந்த பட்ஜெட்டில் இந்திய ராணுவத்துக்கு ரூ.35 கோடிமட்டும்தான் ஒதுக்கப்பட்டிருந்தது.

மேலும் இந்தியப் பொருளாதாரத்துக்காக ரூ.250 கோடியும், மீதித் தொகை குழந்தைகள் நலவாழ்வு, பெண்கள்முன்னேற்றம் மற்றும் பல திட்டங்களுக்கும் வழங்கப்படும்.

இதற்கிடையே பாகிஸ்தானுக்கு ரூ.1,520 கோடி நிதியை தன்னுடைய பட்ஜெட்டில் ஒதுக்கியுள்ளது அமெரிக்கா.