ஆப்கானிஸ்தானில் 300 தலிபான் கைதிகள் விடுதலை

காபூல்:

ஆப்கானிஸ்தானில் 300 தலிபான் கைதிகளை அந்நாட்டு இடைக்காலப் பிரதமர் ஹமீத் கார்சாய் விடுதலை செய்யஉத்தரவிட்டார்.

விடுதலை செய்யப்பட்ட 300 கைதிகளும் ஆப்கானிஸ்தானைச் சேர்ந்தவர்கள்தான். ஆனால் முன்னாள் தலிபான்அரசு படை வீரர்களாக இவர்கள் இருந்தனர்.

இவர்களில் தீவிரவாதச் செயல்களில் ஈடுபடாத தலிபான்களை விடுதலை செய்வதென்று கார்சாய் அரசுமுடிவெடுத்தது.

அதன்படி முதற்கட்டமாக இப்போது 300 தலிபான் கைதிகள் விடுதலை செய்யப்பட்டுள்ளனர்.