தேர்தல் பிரச்சாரம்: வைரமுத்து வீட்டில் தங்குகிறார் கருணாநிதி

தேனி:

ஆண்டிப்பட்டியில் பிரச்சாரம் செய்ய வரும் திமுக தலைவர் கருணாநிதி தங்குவதற்கு திண்டுக்கல் விருந்தினர்மாளிகையை அளிக்க தமிழக அரசு மறுத்ததையடுத்து, அவர் தங்குவதற்காக கவிஞர் வைரமுத்துவின் பண்ணைவீடு அதிரடியாக ஏற்பாடு செய்யப்பட்டுள்ளது.

ஆண்டிப்பட்டியில் போட்டியிடும் திமுக வேட்பாளர் வைகை சேகரை ஆதரித்து பிரச்சாரம் செய்வதற்காக வரும்16ம் தேதி கருணாநிதி ஆண்டிப்பட்டிக்கு செல்கிறார்.

அவர் தங்குவதற்காக திண்டுக்கல் குடகனாறு பொதுப்பணித்துறை விருந்தினர் இல்லத்தை திமுகவினர் பதிவுசெய்தனர். முதலில் அங்கு தங்க அனுமதி வழங்கிய அதிகாரிகள், பின்னர் அந்த அனுமதியை ரத்து செய்துவிட்டனர்.

இந்நிலையில் கருணாநிதி தங்குவதற்காக சில தனியார் வீடுகள் கட்சியினரால் பார்வையிடப்பட்டன. அவைகள்எதுவும் பயனளிக்காததால், பெரியகுளம் அருகே கெங்குவார்பட்டி காட்ரோடில் உள்ள கவிஞர் வைரமுத்துவின்பண்ணை வீட்டை கருணாநிதி தங்குவதற்காக திமுகவினர் ஏற்பாடு செய்துள்ளனர்.