விருதுநகரில் கட்டட இடிபாடுகளுக்குள் சிக்கி பெண் உள்பட 5 பேர் பலி

விருதுநகர்:

விருதுநகரில் கட்டட இடிபாடுகளுக்குள் சிக்கி ஒரு பெண் உள்பட 5 பேர் பலியானார்கள்.

விருதுநகர் ஆண்டிக்கிணறு தெருவில் ராமர் என்பவரது வீட்டின் தரைத் தளத்தில் நேற்று (செவ்வாய்க்கிழமை)மராமத்து பணிகள் நடந்து வந்தன. இப்பணியில் 8 பேர் ஈடுபட்டிருந்தனர்.

அப்போது பக்கத்தில் இருந்த பாழடைந்த வீடு திடீரென இடிந்து விழுந்தது. அந்த இடிபாடுகள் ராமர் வீட்டின் மீதுவிழுந்ததில் அவரது வீடும் அப்படியே இடிந்து விழுந்தது. இதில் மராமத்து வேலை பார்த்துக் கொண்டிருந்த 8 பேர்அப்படியே மண்ணுக்குள் புதைந்தனர்.

தகவலறிந்து உடனடியாக விரைந்து வந்த தீயணைப்புப் படையினரும் அக்கம் பக்கத்தில் இருந்தோரும்வேலுச்சாமி, செளந்தரம் மற்றும் முருகன் ஆகிய 3 பேரை உயிருடன் மீட்டனர்.

ஆனால் மற்ற 5 பேரையும் மீட்க முடியவில்லை. பாண்டியராஜன், பாண்டி, சின்னப்பாண்டி, ஒரு பெண் உள்பட 5பேரும் இடிபாடுகளுக்குள் சிக்கி உயிரிழந்தனர்.

தகவல் அறிந்ததும் விருதுநகர் மாவட்ட ஆட்சித் தலைவர் டாக்டர் கோபால் சம்பவ இடத்திற்கு விரைந்து வந்துநடந்த சம்பவம் குறித்துக் கேட்டறிந்தார்.