ஒசூரில் ரூ.3.5 லட்சம் மதிப்பு திருட்டு விசிடி பறிமுதல்

தர்மபுரி:

ஒசூரில் வீடியோ கேசட் கடைகளை சோதனையிட்டபோது ரூ.3.5 லட்சம் மதிப்புள்ள உரிமம் பெறாத மற்றும் போலிவிசிடி கேசட்டுகள் பறிமுதல் செய்யப்பட்டன.

தர்மபுரி மாவட்டம் ஒசூரில் உள்ள வீடியோ கடைகளில் புதிய படங்களின் விசிடி கேசட்டுகளும், உரிமம் பெறாதகேசட்டுகளும் வாடகைக்கு விடப்படுவதாக ஒசூர் போலீசாருக்கு தகவல் வந்தது. இதையடுத்து ஒசூரில் உள்ளவீடியோ கடைகளில் போலீசார் சோதனை செய்தனர்.

இந்தச் சோதனையின்போது சமீபத்தில் வெளியான "பம்மல் கே.சம்பந்தம்", "அழகி", "ரெட்", "விவரமான ஆளு","புன்னகை தேசம்" போன்ற புதிய படங்களின் விசிடி கேசட்டுகள் பறிமுதல் செய்யப்பட்டன.

இவைதவிர உரிமம் பெறாத கேசட்டுகளும், போலி கேசட்டுகளும், ஆபாசக் கேசட்டுகளும் பறிமுதல்செய்யப்பட்டன. இந்த கேசட்டுகளின் மதிப்பு ரூ.3.5 லட்சம் இருக்கும் என்று போலீசார் தெரிவித்தனர்.

இது சம்பந்தமாக 15 பேர் கைது செய்யப்பட்டுள்ளதாகவும் போலீசார் தெரிவித்தனர்.