எம்.ஜி.ஆர். குரலில் பேசிய தாமு; சிரித்தே கவர்ந்த குமரிமுத்து

தேனி:

ஆண்டிப்பட்டியில் திமுக சார்பில் காமெடி நடிகர் குமரிமுத்துவும், அதிமுக சார்பில் நடிகர் தாமுவும் பிரச்சாரம்செய்து வருகின்றனர்.

ஆண்டிப்பட்டியில் திமுகவுக்கு ஆதரவாக மெகா சிரிப்பு நடிகர் குமரிமுத்துவும், அதிமுகவுக்கு ஆதரவாக மிமிக்ரிநடிகர் தாமுவும் பல கிராமங்களில் பிரச்சாரம் செய்து வருகின்றனர்.

குமரிமுத்து பேசுவதற்கு முன்பும், பேசிய பின்பும் தனது மெகா சிரிப்பை மக்களுக்கு விருந்தாக்க தவறுவதில்லை.இதனால், இவர் பிரச்சாரம் செய்யும் இடங்களில் இவரைச் சிரிக்கச் சொல்லி மக்கள் ரசிக்கிறார்கள்.

பல்வேறு தலைவர்களின் குரலை மிமிக்ரி செய்து அதிமுகவுக்கு ஆதரவாக பிரச்சாரம் செய்து வருகிறார். எம்.ஜி.ஆர்.போன்று அவர் பேசுவது கிராம மக்களிடையே நல்ல வரவேற்பை பெற்றுள்ளது.

பயணத்திட்டத்தில் இல்லாத கிராமங்களில் கூட, கண்டிப்பாக பேசி விட்டு செல்லுங்கள் என தாமுவுக்கு கிராமமக்கள் அன்புக் கட்டளையிடும் அளவுக்கு அவர் புகழ் பெற்று விட்டார்.