புதுவையிலும் பஸ் கட்டணம் உயர்வு

பாண்டிச்சேரி:

பாண்டிச்சேரியில் பஸ் கட்டணம் உயர்த்தப்பட்டுள்ளது.

கடந்த சில மாதங்களுக்கு முன் நிதி நெருக்கடி காரணமாகப் பல சிக்கன நடவடிக்கைகளை மேற்கொண்ட தமிழகஅரசு, பஸ் கட்டணத்தையும் கடுமையாக உயர்த்தியது.

இதன் விளைவாகத் தமிழக மக்கள் ஆரம்பத்தில் கொதிப்படைந்தாலும், இப்போது அதன் தாக்கம் அவர்களிடையேஅவ்வளவாக இல்லை.

இந்நிலையில் பாண்டிச்சேரி மாநிலத்திலும் பஸ் கட்டணம் உயர்த்தப்படுவதாக அம்மாநில அரசு இன்று(வெள்ளிக்கிழமை) அறிவித்துள்ளது.

ஒரு கிலோ மீட்டருக்கு 18 பைசா என்றிருந்த பஸ் கட்டணம் 25 பைசாவாக உயர்த்தப்பட்டுள்ளது.