தமிழக தேர்தல் கமிஷனராக பழனிச்சாமி நியமனம்

சென்னை:

தமிழகத்தின் புதிய தேர்தல் கமிஷனராக வி.பழனிச்சாமி நியமிக்கப்பட்டுள்ளார்.

தமிழகத்தின் தேர்தல் கமிஷனராக இருந்த பி.எஸ்.பாண்டியன் ஓய்வு பெற்றதை அடுத்து, புதிய கமிஷனராக மூத்தஐ.பி.எஸ். அதிகாரி வி. பழனிச்சாமி நியமிக்கப்பட்டுள்ளார்.

இவர் இதற்கு முன்பு அரசு தகவல் தொகுப்பு துறையின் ஆணையராக பதவி வகித்துள்ளார். இது குறித்துபழனிச்சாமி நிருபர்களிடம் கூறுகையில்:

பதவியேற்றவுடன் முதல் வேலையாக பஞ்சாயத்து தேர்தல் நடக்காத தொகுதியான கீரிப்பட்டி, பாப்பாப்பட்டிஉள்ளிட்ட 4 தொகுதிகளுக்கு தேர்தல் நடத்துவதற்கான நடவடிக்கைகளை மேற்கொள்வேன்.

பல்வேறு காரணங்களால் 267 பஞ்சாயத்து யூனியன்களில் உள்ளாட்சி இடைத் தேர்தல் நடக்க உள்ளது. இந்தஅனைத்து யூனியன்களிலும் மார்ச் மாதத்துக்குள் உள்ளாட்சித் தேர்தல் நடத்தப்படும் என்று பழனிச்சாமி கூறினார்.