தமாகா எம்.எல்.ஏ.க்கள் கட்சி தாவ மாட்டார்கள்: வாசன்

சென்னை:

தமாகா எம்.எல்.ஏ.க்கள் வேறு கட்சிக்கு தாவ மாட்டார்கள் என்று தமாகா தலைவர் ஜி.கே. வாசன் கூறியுள்ளார்.

இது குறித்து வாசன் சென்னையில் நிருபர்களுக்கு பேட்டியளிக்கையில் கூறியதாவது:

தமாகா எம்.எல்.ஏ.க்கள் வேறு கட்சிக்கு செல்ல மாட்டார்கள். கட்சியில் உள்ள அனைவரும் ஒன்ாறாகத்தான்இருக்கிறோம். கட்சி வளர்ச்சிப்பணிகளில்தான் அனைவரும் ஈடுபட்டிருக்கிறோம்.

நாகர்கோவிலில் என் முன்னிலையில் தமாகாவினர் தகராறு செய்ததாக வரும் செய்திகள் உண்மையல்ல. தற்போதுதமாகா நல்ல பலத்துடன்தான் உள்ளது.

ஈரோடு, கோவை மாவட்டங்களில் சுற்றுப்பயணம் செய்து கட்சித் தொண்டர்களை சந்தித்து கருத்துக்களைக்கேட்டறிய உள்ளேன். கட்சி நிர்வாகிகளுடனும், மூத்த தலைவர்களுடனும் பேசிய பிறகு, கட்சி புதிய நிர்வாகிகள்ஏப்ரல் மாதத்தில் நியமிக்கப்படுவார்கள்.

காமராஜர் நூற்றாண்டு விழாவுக்கான கமிட்டி அமைப்பதாக அகில இந்திய காங்கிரஸ் கட்சி கூறியுள்ளது. இதுகுறித்து தகுந்த நேரத்தில் எங்கள் முடிவை அறிவிப்போம். கட்சி நிர்வாகிகளுடன் இது குறித்து கலந்து பேசிவருகிறேன் என்று வாசன் கூறினார்.