நேரடி ஒளிபரப்பில் ஜெ., ராஜ் டிவிகள்

ஆண்டிப்பட்டி:

ஜெயலலிதா போட்டியிடும் ஆண்டிப்பட்டி தேர்தலை ஜெயா டிவி நேரடியாக ஒளிபரப்பி வருகிறது.

இதற்காக ஆண்டிப்பட்டியிலேயே தாற்காலிகமாக ஒரு ஸ்டுடியோவையும் ஜெயா டிவி அமைத்துள்ளது.

ஆண்டிப்பட்டி முழுவதுமே கிட்டத்தட்ட 20க்கும் மேற்பட்ட ஜெயா டிவி நிருபர்கள் சுற்றி வந்தவண்ணம் உள்ளனர்.மூத்த பத்திரிக்கையாளர்களான ரபி பெர்னாட் இந்த தாற்காலிக ஸ்டுடியோவில் இருந்தவண்ணம் நிருபர்களைஒருங்கிணைத்து செய்திகளை தொகுத்து நேரடியாக ஒளிபரப்பி வருகிறார்.

இன்னொரு மூத்த பத்திரிக்கையாளரான சுதாங்கன் தலைமையில் நிருபர் குழு ஆண்டிப்பட்டியை சுற்றி வருகிறது.

ராஜ் டிவி:

ராஜ் டிவியும் நேரடி ஒளிபரப்புக்கு ஏற்பாடு செய்துள்ளது. ராஜ் டிவியும் நடமாடும் ஸ்டுடியோ ஆண்டிப்பட்டியில்இருந்தவண்ணம் நேரடியாக தேர்தலை ஒளிபரப்பி வருகிறது.

சன் டிவி:

சன் டிவி இந்தத் தேர்தல் குறித்த செய்திகைள தனது சன் நியூஸ் சானலில் ஒளிபரப்பி வருகிறது. நேரடி ஒளிபரப்புஏதும் செய்யவில்லை.

தமிழகத்தில் தேர்தல் நடவடிக்கை நேரடியாக ஒளிபரப்பப்படுவது இது தான் முதல் முறையாகும்.