ஜெயலலிதாவுக்கு ஆதரவளிக்க பா.ஜ.க. முடிவு

சென்னை:

ஜெயலலிதாவுக்கு பிரச்சனைகளின் அடிப்படையில் ஆதரவளிக்க பா.ஜ.க. முடிவு செய்துள்ளது.

சில மாதங்களாகவே பா.ஜ.க.- அதிமுக இடையே புதிய உறவு துளிர்விட்டு வருகிறது. தமிழக பா.ஜ.கவில் இந்தஉறவுக்கு பலரும் ஆதரவு தெரிவித்தாலும் அதை எதிர்த்து வந்தவர் பொதுச் செயலாளர் இல. கணேசன். தீவிரகருணாநிதி ஆதரவாளராக இருந்தவர் இவர்.

ஆனால், இவரது நிலையிலும் மாற்றம் ஏற்பட்டுள்ளதாகத் தெரிகிறது. மத்தியத் தலைமையின் யோசனைப்படிஅதிமுகவுக்கு சட்டசபையில் ஆதரவளிக்கப் போவதாக தமிழக பா.ஜ.க. அறிவித்துள்ளது. இந்த அறிவிப்பைஇல.கணேசன் மூலமாகவே பா.ஜ.க. வெளியிட்டுள்ளது.

கணேசன் நிருபர்களிடம் கூறுகையில்,

தமிழகத்தில் மீண்டும் ஆட்சிக்கு வரும் ஜெயலலிதாவை வாழ்த்துகிறேன். மத்தியில் பா.ஜ.க. அரசுக்கு பிரச்சனைஅடிப்படையில் ஆதரவு தர அதிமுக முடிவு செய்துள்ளது. இதற்கு நன்றிக்கடனாக நாங்களும் சட்டசபையில்அதிமுகவுக்கு பிரச்சனை அடிப்படையில் ஆதரவு தர முடிவு செய்துள்ளோம்.

ஆண்டிப்பட்டி தேர்தல் தொடர்பான முறைகேடுகள் குறித்து கருணாநிதி கூறியுள்ள குற்றச்சாட்டுகளுக்கு தேர்தல்ஆணையம் பதில் கூற வேண்டும் என்றார்.