வாகனங்களில் கவர்ச்சி பதிவு எண்களுக்கான கட்டணம் கடும் உயர்வு

சென்னை:

வாகனங்களின் பதிவுக்கு கவர்ச்சி எண்கள் வேண்டுவோர் செலுத்த வேண்டிய கட்டணத்தை பல மடங்கு உயர்த்திஅரசாணை பிறப்பிக்கப்பட்டுள்ளது.

2 சக்கர வாகனங்கள், ஆட்டோக்கள், கார்கள் மற்றும் பிற வாகனங்களுக்கு அந்தந்த வட்டாரப் போக்குவரத்துஅலுவலகங்களில் பதிவு செய்து, வாகனங்களுக்கான பதிவு எண்களை பெற வேண்டும்.

ஆனால் தங்களுக்கு வேண்டிய கவர்ச்சி எண்கள் மற்றும் ராசியான எண்களை வேண்டுவோர் அதற்கென தனியாகவிண்ணப்பித்து, குறிப்பிட்ட தொகையை கட்டணமாக செலுத்த வேண்டும்.

தற்போது இந்தக் கவர்ச்சி எண்கள் பெறுவதற்கான கட்டணத்தை அதிகரித்து மோட்டார் வாகனச் சட்டத்தில்திருத்தம் கொண்டு வரப்பட்டுள்ளது.

இதன்படி கவர்ச்சி எண்கள் பெற விரும்புவோர் செலுத்த வேண்டிய கட்டண விவரம் வருமாறு:

50 சி.சி.க்கும் குறைவான திறன் கொண்ட வாகனங்கள்: ரூ.1,000

50 சி.சி.க்கு அதிகமான திறன் கொண்ட வாகனங்கள்: ரூ.2,000

ரூ.4 லட்சத்துக்கு குறைவான கார் மற்றும் இறக்குமதி கார்: ரூ.8,000

இதர வாகனங்கள்: ரூ.5,000

அரசு ஒதுக்கீடு செய்யும் எண்கள் (முதல் 4 வரிசைகள்): ரூ.15,000

அரசு ஒதுக்கீடு (5க்கும் மேற்பட்ட வரிசைகள்): ரூ.25,000

இந்த உயர்த்தப்பட்ட கட்டணங்கள் நாளை (மார்ச் 1) முதல் அமலுக்கு வருகின்றன.