ஜெ. பதவியேற்பு விழா: திமுகவினருக்கு அழைப்பில்லை - கருணாநிதி குற்றச்சாட்டு

கும்பகோணம்:

தமிழக முதல்வர் ஜெயலலிதாவின் பதவியேற்பு விழாவுக்கு நடிகர்கள் மற்றும் நடிகைகளுக்கே அழைப்புவிடுக்கப்பட்டபோது திமுகவினரை அழைக்கவில்லை என்று திமுக தலைவர் கருணாநிதி கூறினார்.

கும்பகோணத்தில் இது குறித்து இன்று (ஞாயிற்றுக்கிழமை) கருணாநிதி நிருபர்களிடம் கூறியதாவது:

சட்டசபை பட்ஜெட் கூட்டத் தொடரில் பிரச்சனைகள் அடிப்படையில் கருத்து தெரிவிக்க திமுக முடிவு செய்துள்ளது.

ஜெயலலிதா பதவியேற்பு விழாவில் மேயர் ஸ்டாலினுக்கும், அன்பழகனுக்கும் 6வது வரிசையில் இடம்ஒதுக்கப்பட்டது குறித்து வருத்தமாக உள்ளது.

பதவியேற்பு விழாவுக்கு சினிமா துணை நடிகர்கள், நடிகைகள் ஆகியோருக்கே அழைப்பு விடுத்தபோதுதிமுகவினருக்கு அழைப்பு விடுவிக்கவில்லை.

அதிமுகவில் இருக்கும் அனைவருக்கும் வாய்ப்பு கொடுக்கும் நோக்கத்தில் அடிக்கடி அமைச்சரவையில் மாற்றம்கொண்டு வருகிறார் ஜெயலலிதா என்று கருணாநிதி கூறினார்.