ரூ.1,008 கோடி செலவில் ஒகேனக்கல் குடிநீர்த் திட்டம்

சென்னை:

ரூ.1,008 கோடி செலவில் ஒகேனக்கல் குடிநீர் திட்டம் செயல்படுத்தப்படவுள்ளது. இதற்கான அனுமதி கோரும்திட்டம் மத்திய அரசுக்கு அனுப்பப்பட்டுள்ளதாக உள்ளாட்சித் துறை அமைச்சர் துரைராஜ் தமிழ சட்டசபையில்இன்று (செவ்வாய்க்கிழமை) தெரிவித்தார்.

தமிழக சட்டசபையில் ஆளுநர் உரைக்கு நன்றி தெரிவிக்கும் தீர்மானம் மீதான விவாதம் செவ்வாய்க்கிழமைதொடங்கியது.

கேள்வி நேரத்தின்போது ஒரு கேள்விக்கு துரைராஜ் பதிலளிக்கையில்,

ஓகேனக்கல் குடிநீர்த் திட்டம் ஜப்பானின் உதவியுடன் ரூ.1,008 கோடி மதிப்பில் செயல்படுத்தப்படவுள்ளது.

மத்திய அரசின் அனுமதிக்காக அந்தத் திட்டம் தற்போது அனுப்பப்பட்டுள்ளது. அனுமதி கிடைத்தவுடன்செயல்படுத்தப்படும் என்றார்.

தேனியில் மருத்துவக் கல்லூரி

இதற்கிடையே கடலூரில் மருத்துவக் கல்லூரி அமைக்கப்படுமா என்ற திமுக உறுப்பினர் ஒருவரின் கேள்விக்குசுகாதாரத்துறை அமைச்சர் செம்மலை பதிலளிக்கையில்,

கடலூரில் மருத்துவக் கல்லூரி அமைக்கும் திட்டம் எதுவும் அரசிடம் இல்லை.

தேனி மாவட்டம் மிகவும் பின்தங்கிய மாவட்டங்களில் ஒன்று. எனவே இங்குதான் மருத்துவக் கல்லூரி துவங்கமுன்னுரிமை கொடுக்கப்படும்.

தனியார்களும் இங்கு மருத்துவக் கல்லூரி அமைக்க முன்வரலாம் என்றார்.