திமுக அமைப்பு செயலாளர் பதவியிலிருந்து பொன். முத்து திடீர் விலகல்

சென்னை:

திமுக அமைப்புச் செயலாளராக இருந்து வந்த பொன். முத்துராமலிங்கம் அந்தப் பொறுப்பிலிருந்து திடீரெனராஜினாமா செய்துள்ளார்.

முன்னாள் அமைச்சரான பொன். முத்தராமலிங்கம் இடையில் மதிமுகவில் இருந்தார். பின்னர் அதிலிருந்து விலகிமீண்டும் திமுகவில் சேர்ந்தார். அதன் பிறகு அவருக்கு திமுக அமைப்புச் செயலாளர் பொறுப்பு கொடுக்கப்பட்டது.

சமீபத்தில் நடந்த ஆண்டிப்பட்டி இடைத் தேர்தலில் திமுக பிரச்சாரக் குழுவுக்கு இவர்தான் தலைமை தாங்கினார்.தொகுதியிலேயே தங்கி தீவிரப் பிரசாரம் மேற்கொண்டிருந்தார். இருப்பினும் இத்தொகுதியில் திமுக தோல்வியைத்தழுவியது.

இந்த நிலையில் திடீரென்று அமைப்புச் செயலாளர் பதவியிலிருந்து பொன். முத்துராமலிங்கம் விலகியுள்ளார்.இதற்கான காரணம் தெரிவிக்கப்படவில்லை.

இருப்பினும், ராஜ்யசபா தேர்தலில் தனக்கு டிக்கெட் கிடைக்கும் என்று பொன். முத்துராமலிங்கம்எதிர்பார்த்திருந்தார். ஆனால் வழக்கறிஞர் சண்முகசுந்தரத்திற்கு டிக்கெட் கொடுக்கப்பட்டதால் இவர்அதிருப்தியுடன் இருந்ததாக கூறப்படுகிறது.

இதன் காரணமாகவே அவர் அமைப்புச் செயலாளர் பொறுப்பிலிருந்து விலகியதாகவும் தெரிகிறது.

புதிய அமைப்புச் செயலாளராக முன்னாள் அமைச்சர் ரகுமான்கான் நியமிக்கப்பட்டுள்ளதாக கட்சி பொதுச்செயலாளர் பேராசியர் அன்பழகன் தெரிவித்துள்ளார்.