""அதிமுகவுடன் நட்பு, திமுகவுடன் உறவு"": இல. கணேசன்

விழுப்புரம்:

அதிமுகவுடன் நட்பும், திமுகவுடன் உறவும் கொண்டுள்ளது தமிழக பாஜக என்று அக்கட்சியின் மாநிலப் பொதுச்செயலாளர் இல. கணேசன் கூறியுள்ளார்.

இது குறித்து விழுப்புரம் மாவட்ட பாஜக நிர்வாகிகள் குழு கூட்டத்தில் இல. கணேசன் கூறியதாவது:

அதிமுகவும் பாஜகவும் நட்புடன் செயல்படுகின்றன. ஆனால் திமுக-பாஜக கட்சிகள் நல்ல உறவுடன் செயல்படும்.

கம்யூனிஸ்ட், காங்கிரஸ், தமாகா, முஸ்லிம் லீக் கட்சிகள் எப்படியாவது திமுகவுக்கும், பாஜகவுக்கும் உரசல்ஏற்படாதா என காத்துக் கொண்டிருக்கின்றனர்.

அயோத்தி எப்பொழுதும் அமைதியாகத்தான் உள்ளது. விபரீதம் நடக்கும் என்ற பொய்யான தகவலால் அங்குராணுவம் மற்றும் போலீசார் குவிக்கப்பட்டனர்.

ரயில் எரிப்பு சம்பவத்தால் உத்தரபிரதேசம், பரிதாபாத் ஆகிய இடங்களில் கலவரம் நடக்கவில்லை. அதே போல்மத்தியபிரதேசம், மகாராஷ்டிரா போன்ற இடங்களில் காங்கிரஸார் திட்டமிட்டு கலவரத்தை உண்டாக்கினர் என்றுஇல.கணேசன் கூறினார்.