குமரி அனந்தனுக்கு வயது 70: ரஜினி வாழ்த்து

சென்னை:

தமிழக காங்கிரஸ் கட்சியின் முன்னாள் தலைவரான குமரி அனந்தன் தனது 70வது பிறந்த நாளை நேற்று(செவ்வாய்க்கிழமை) கொண்டாடினார்.

பிறந்த நாளையொட்டி தனது தாயாரிடம் ஆசி பெற்ற குமரி அனந்தன், தியாகிகள் மணி மண்டபம், காமராஜர்நினைவிடம் ஆகிய இடங்களுக்குச் சென்று அஞ்சலி செலுத்தினார்.

அதன் பிறகு தி. நகரில் உள்ள தனது அலுவலகத்திற்குச் சென்று அங்கு பிரமுகர்கள் மற்றும் தொண்டர்களிடம்வாழ்த்துக்களைப் பெற்றுக் கொண்டார்.

நடிகர் ரஜினிகாந்த் திங்கள்கிழமை இரவே குமரி அனந்தனை தொலைபேசியில் அழைத்து வாழ்த்து தெரிவித்தார்.

இதேபோல, மலேசிய அமைச்சர் டத்தோ சாமிவேலுவும் குமரி அனந்தனுக்கு தொலைபேசியில் வாழ்த்துத்தெரிவித்தார்.