குஜராத்தில் தொடரும் வன்முறை: அகமதாபாத்தில் மீண்டும் ஊரடங்கு

அகமதாபாத்:

குஜராத் மாநிலம் அகமதாபாத் நகரில் சில இடங்களில் தொடர்ந்து வன்முறை நிகழ்வதால், இங்குள்ள 5 காவல்நிலைய பகுதிகளில் தொடர்ந்து காலவரையறையற்ற ஊரடங்கு அமலில் உள்ளது.

கோத்ரா ரயில் எரிப்பு சம்பவத்திற்கு பிறகு குஜராத்தில் நடந்த வன்முறையால் 650 பேர் வரை கொல்லப்பட்டனர்.பிறகு குஜராத்தில் அமைதி திரும்புவது போல் இருந்தது. ஆனால் மார்ச் 15ல் ஏற்பட்ட பதட்டத்தினால் இந்தமாநிலத்தின் சில பகுதிகளில் தொடர்ந்து வன்முறை நடந்து வருகிறது.

கடந்த 2 தினங்களில் மட்டும் குஜராத்தில் நடந்த மதக் கலவரத்தில் 3 பேர் கொல்லப்பட்டனர். இதனால் முகரம்பண்டிகையை முன்னிட்டு முஸ்லீம்கள் நடக்கவிருந்த ஊர்வலம் ரத்து செய்யப்பட்டுள்ளது.

அகமதாபாத்தில் உள்ள குப்தா நகரில் நடந்த கலவரத்தில் ஒரு பெண் கொல்லப்பட்டுள்ளார். ஒரு சிறுவன்படுகாயமடைந்துள்ளான். இதனால் இந்த பகுதியில் மீண்டும் ஊரடங்கு உத்தரவு போடப்பட்டுள்ளது.

இதே நகரில் மதெளரா காவல் நிலைய கட்டுப்பாட்டில் உள்ள பகுதியில் ஞாயிற்றுக்கிழமை கலவரத்தில் 2 பேர்இறந்துள்ளனர். இதனால் அகமதாபாத்தில் உள்ள காலுபூர், தரியாபூர், கரஞ், ஷாபூர், ஹவேலி ஆகிய காவல்நிலைய கட்டுப்பாட்டு பகுதிகளில் ஞாயிற்றுக்கிழமை இரவு முதல் காலவரையறையற்ற ஊரடங்குஅமல்படுத்தப்பட்டுள்ளது.

இதனால் அகமதாபாத்தில் கலவரம் நடக்க வாய்ப்புள்ள பகுதிகளில் ராணுவம் தொடர்ந்து ரோந்து சுற்றி வருகிறது.

7 பஸ்கள் எரிப்பு

இதற்கிடையில் பரோடா நகரில் சிறுபான்மையினர் 7 தனியார் சொகுசு பஸ்களை எரித்துள்ளனர்.

பரோடாவுக்கும், வகோதியா இடையில் உள்ள பிபாடியா கிராம நெடுஞ்சாலையில், சிறுபான்மையை சேர்ந்த சிலகும்பல், 7 தனியார் பஸ்களை எரித்துள்ளனர்.

அந்த கும்பல் பஸ்களில் இருந்தவர்களை வெளியேற்றி விட்டு பஸ்களை கொளுத்தியுள்ளனர். இதனால் பஸ்ஸில்பயணம் செய்த யாருக்கும் காயம் ஏற்படவில்லை.