திமுகவை ஆதரிக்க நாங்க ரெடி: இளங்கோவன்

சென்னை:

பாஜகவுடனான உறவை முழுமையாகத் துண்டித்துக் கொண்டால், திமுகவை ஆதரிக்க தாங்கள் தயாராகஇருப்பதாக தமிழக காங்கிரஸ் தலைவர் இளங்கோவன் இன்று (திங்கள்கிழமை) கூறினார்.

தமிழகத்தில் பாஜகவுடன் கூட்டணி முறிந்தது, மத்தியில் பாஜகவுடன் திமுக உறவுடன் இருக்கும் என்று திமுகதலைவர் கருணாநிதி நேற்று கூறினார்.

இது குறித்து சென்னையில் இன்று நிருபர்களிடம் இளங்கோவன் கூறியதாவது:

பாஜகவுடனான கூட்டணியை முழுமையாக திமுக துண்டித்தால், திமுகவை ஆதரிக்க காங்கிரஸ் தயாராக உள்ளது.ஆனால் கூட்டணி குறித்து தேர்தல் சமயத்தில்தான் முடிவு செய்ய முடியும்.

தமிழக அரசு அறிவித்திருக்கும் அன்னதான திட்டம் நல்ல திட்டம்தான். ஆனால் அந்தத் திட்டம் உரியவர்களுக்குபோய் சேருகிறதா என்பதில் தமிழக அரசு கவனமுடன் இருக்க வேண்டும்.

அன்னதானம் திட்டம் ஆரம்பித்ததை தொலைக்காட்சியில் பார்த்த போது, அதில் கலந்து கொண்டு சாப்பிட்டவர்கள்அனைவரும் மிகவும் வசதி படைத்தவர்களாகத் தெரிகிறது. அதே சமயம் அந்த சமயத்தில் ஏழைகள் மற்றும்பிச்சைக்காரர்கள் விரட்டியடிக்கப்பட்டுள்ளனர்.

போக்குவரத்துறை போனஸ் கேட்டு மீண்டும் போராட்டம் நடத்தினால், அவர்களுக்கு ஆதரவாக காங்கிரஸ்செயல்படும் என்று இளங்கோவன் கூறினார்.