திமுக உறவு முறிவு: எந்த பாதிப்பும் இல்லை என்கிறது பாஜக

சென்னை:

திமுகவுடனான உறவு முறிவினால், தமிழக பாஜகவிற்கு எந்தவிதமான பாதிப்பும் இல்லை என்று தமிழக பாஜகதலைவர் டாக்டர் கிருபாநிதி கூறினார்.

தமிழக பாஜகவுடனனான கூட்டணி முறிந்து விட்டாலும் மத்திய பாஜகவுடன் உறவுடன் இருப்போம் என்றுஞாயிற்றுக்கிழமை திமுக தலைவர் கருணாநிதி கூறினார். இது குறித்து சென்னையில் இன்று (திங்கள்கிழமை)டாக்டர் கிருபாநிதி கூறியுள்ளதாவது:

திமுகவுடனனான உறவு முறிந்ததால் பாஜகவிற்கு எந்தவித பாதிப்பும் இல்லை. திமுக ஒரு தலைபட்சமானநடவடிக்கையில் இறங்கியுள்ளது.

பாஜக ஒரு தேசிய கட்சி. அதனால் உறவை மீண்டும் புதுப்பிப்பது குறித்து திமுகவுடன் எந்த சமரச முயற்சியிலும்ஈடுபட மாட்டோம்.

தமிழகத்தில் அதிமுகவின் எதிரிக்கட்சியாக செயல்படாமல், ஆக்கப்பூர்வமான எதிர்க்கட்சியாக செயல்படுவோம்என்று கிருபாநிதி கூறினார்.

இல.கணேசன்:

மத்தியிலும், மாநிலத்திலும் ஒரே கொள்கையைத்தான் பாஜக கடைபிடிக்கிறது. அதிமுக சில நல்ல விஷயங்களைச்செய்தால் நாங்கள் அதை ஆதரிக்கிறோம். அதன்படிதான் இலவச அன்னதானத் திட்டத்தையும் வரவேற்றோம்.

ஒரு கட்சியுடன் நட்புடன் இருப்பது என்றால், அது 2 வகைப்படும். நன்றியுணர்வுடன் நட்பாக இருப்பது, சாதாரணநட்பாக இருப்பது.

கூட்டணியில் உள்ள கட்சிகளுடன் பாஜக நன்றியுணர்ச்சியுடன் கூடிய நட்பை வைத்திருக்கிறது. இதரக்கட்சிகளுடன்சாதாரண நட்புடன் பாஜக உள்ளது என்று இல.கணேசன் கூறினார்.