தமிழக பட்ஜெட் - 2002-03: நாளை தாக்கல்

சென்னை:

வரும் நிதி ஆண்டான 2002-03க்கான தமிழக பட்ஜெட் நாளை (புதன்கிழமை) சட்டசபையில் தாக்கல்செய்யப்படவுள்ளது.

தமிழக சட்டசபையின் பட்ஜெட் கடந்த 9ம் தேதி ஆளுநர் ராமமோகன் ராவின் உரையுடன் தொடங்கி, ஒரு வாரம்நடைபெற்றது.

இந்நிலையில் தமிழக பட்ஜெட் நாளை தாக்கல் செய்யப்படவுள்ளது. நிதி அமைச்சர் பொன்னையன் நாளை காலை10 மணிக்கு பட்ஜெட்டைத் தாக்கல் செய்யவுள்ளார்.

பட்ஜெட் தாக்கல் செய்யப்பட்டதும் அதன் மீதான விவாதம் ஒருசில நாட்கள் நடத்தப்பட்ட பிறகுதான், அதுநிறைவேற்றப்படும்.

ஆனால் நாளை மறுநாளே (வியாழக்கிழமை) தமிழக பட்ஜெட் நிறைவேற்றப்படும் என்று அறிவிக்கப்பட்டுள்ளதுகுறிப்பிடத்தக்கது.

இந்தியாவிலேயே "நம்பர் ஒன்" மாநிலமாக தமிழகத்தை மாற்றப் போவதாக தமிழக முதல்வர் ஜெயலலிதாகூறியிருப்பதால், இந்த பட்ஜெட் மிகவும் முக்கியத்துவம் வாய்ந்ததாகக் கருதப்படுகிறது.

கடும் நிதி நெருக்கடியில் தமிழகம் சிக்கித் திணறிக் கொண்டிருப்பதால், தாராளமான வரி விதிப்பும் இருக்கும்என்றும் எதிர்பார்க்கப்படுகிறது.