மே 25 வரை பட்ஜெட் கூட்டத் தொடர்

சென்னை:

தமிழக சட்டசபையின் பட்ஜெட் கூட்டத் தொடர் வரும் மே 25ம்தேதி வரை நடைபெறும்.

சட்டசபையின் அலுவல் ஆய்வுக் குழுக் கூட்டம் சபாநாயகர் காளிமுத்து தலைமையில் நேற்று (புதன்கிழமை)நடந்தது. பட்ஜெட் தாக்கலுக்குப் பிறகு இக்கூட்டம் நடந்தது. இதில் முதல்வர் ஜெயலலிதாவும் கலந்து கொண்டார்.

நிதியமைச்சர் பொன்னையன் வியாழக்கிழமை துணை நிதி நிலை அறிக்கையை தாக்கல் செய்வார். இதை அவைஏற்றுக் கொள்ளும்.

பட்ஜெட் மீதான பொது விவாதம், ஏப்ரல் 1ம் தேதி முதல் 5ம் தேதி வரை நடைபெறும். விவாதத்திற்கு ஏப்ரல் 8ம்தேதி பொன்னையன் பதிலளிப்பார்.

பிறகு பட்ஜெட் கூட்டத் தொடர் மே 25ம் தேதி வரை தொடர்ந்து நடைபெறும். ஆனாலும் பிற்பகல் நேரங்களிலும்விடுமுறை தினங்களிலும் பட்ஜெட் கூட்டத் தொடர் நடக்காது என்று அறிவிக்கப்பட்டுள்ளது.