தமாகா-காங். இணைப்பு இல்லை: வாசன்

சென்னை:

காங்கிரசுடன் தங்கள் கட்சியை இணைப்பது குறித்து எந்த முயற்சியும் நடக்கவில்லை என்று தமாகா தலைவர்வாசன் கூறியுள்ளார்.

காமராஜரின் நூற்றாண்டு விழாவை முன்னிட்டு அவருடைய வாழ்க்கை வரலாற்றை படமாக எடுக்க இருக்கின்றனர்.இந்த படத்தின் துவக்கவிழா சென்னையில் உள்ள காமராஜர் இல்லத்தில் நடைபெற்றது.

இந்த விழாவில் வாசன் கலந்து கொண்டு, படத் தயாரிப்பு செலவுக்காக தமாகா சார்பில் ரூ.1 லட்சம் நிதிவழங்கினார். பிறகு நிருபர்களிடம் வாசன் கூறியதாவது:

காங்கிரசுடன், தமாகாவை இணைப்பது குறித்து எந்த முயற்சியும் நடக்கவில்லை. அது மாதிரி ஏதாவது முயற்சிநடந்தால் பகிரங்கமாகத் தான் நடக்கும்.

காங்கிரசுடன், தமாகா இணைப்பது குறித்து முயற்சி நடந்து வருகிறது என்று தமிழக காங்கிரஸ் தலைவர்இளங்கோவன் கூறியிருப்பது, அவருடைய சொந்த கருத்து.

கட்சியில் எந்த குழப்பமும் இல்லை. குமாரதாஸ் மன்னிப்பு கேட்பதாக கூறியிருக்கிறார். அவரை திரும்பவும்கட்சியில் சேர்ப்பது குறித்து கட்சியின் ஒழுங்கு நடவடிக்கைக் குழுதான் முடிவு செய்யும்.

தமிழக பட்ஜெட் விவசாயிகள், பொதுமக்கள், வியாபாரிகளை பெரிதும் பாதிக்கக் கூடிய அளவில் உள்ளது.உருப்படியான எந்த திட்டமும் பட்ஜெட்டில் கூறப்படவில்லை என்று வாசன் கூறினார்.