பாஜகவின் எதிர்ப்பு திமுக வெற்றியை பாதிக்காது: கருணாநிதி

சென்னை:

வரும் இடைத் தேர்தலில் பாஜக ஆதரவு தராமலிருப்பது திமுகவின் வெற்றியைப் பாதிக்காது என்று திமுக தலைவர்கருணாநிதி கூறினார்.

சென்னையில் அவர் இன்று நிருபர்களிடம் கூறியதாவது:

இது ஒன்றும் புதுசே இல்லை. சைதாப்பேட்டையில் மதிமுகவுக்கும் அச்சிறுப்பாக்கத்தில் பாமகவுக்கும்ஆதரவளிப்பதாக பாஜக கூறியுள்ளது அக்கட்சி எடுத்த முடிவு.

பாஜக எடுத்த முடிவில் தவறேதும் இருப்பதாக எனக்குத் தெரியவில்லை. ஒவ்வொரு கட்சிக்கும் தேர்தல் குறித்துமுடிவெடுப்பதற்குத் தனிப்பட்ட உரிமை உள்ளது. அதைத்தான் அந்தக் கட்சியும் தற்போது செய்துள்ளது.

கடந்த ஆண்டு நடந்த சட்டசபை மற்றும் உள்ளாட்சித் தேர்தல்களில் கூட மத்தியில் பாஜகவுடன் கூட்டணிவைத்துள்ள மதிமுக தனித்துப் போட்டியிட்டதே.

எந்தக் கட்சியின் ஆதரவையும் எதிர்பார்த்து திமுக இந்த இடைத் தேர்தலில் நிற்கவில்லை. சில கட்சிகள் தாமாகவேமுன்வந்து ஆதரவு தரும் என்று மட்டுமே எதிர்பார்த்தோம்.

ஆனாலும் மத்தியில் உள்ள தேசிய ஜனநாயகக் கூட்டணியில் திமுக தொடர்ந்து இடம் பெறும். மத்தியில்பாஜகவுடனான உறவு நன்றாகவே உள்ளது என்றார் கருணாநிதி.