எப்பா... உஸ்ஸ்ஸ்......

சென்னை:

சென்னையில் மிகக் கடுமையான வெப்பம் நிலவி வருகிறது.

நுங்கம்பாக்கம் வானிலை ஆராய்ச்சி நிலையத்தில் 43.8 டிகிரி சென்டிகிரேட் வெப்பம் பதிவானது. மீனம்பாக்கம்விமான நிலையத்தில் 43.2 டிகிரி சென்டிகிரேட் வெப்பம் பதிவானது. இது 110 டிகிரி பாரன்ஹீட்டுக்குஇணையானது.

நேற்று 108 டிகிரி பாரன்ஹீட் வெப்பம் நிலவியது. இந்தக் கோடை காலத்தில் அதிகபட்ச வெப்பமாக 110 டிகிரிபதிவாகியுள்ளது. மேலும் சில நாட்களுக்கு இந்தக் கடும் வெப்ப நிலை நீடிக்கும் என்று கூறப்படுகிறது.

சென்னையில் மட்டுமல்லாமல் தமிழகம் முழுவதுமே வெப்பம் வாட்டி எடுக்கிறது. தென் தமிழகத்தில் சிலநாட்களுக்கு முன் வரை திடீர் திடீர் என மழை பெய்தது. அதனால் நிலைமை கொஞ்சம் பரவாயில்லை.

ஆனால், சென்னையில் வெயில் நாளுக்கு நாள் அதிகரித்து மக்களை களைப்பாக்கி வருகிறது.

அக்னி நட்சத்திரம் தொடங்கிய கடந்த 4ம் தேதி கத்திரி வெயில் அடித்து வருகிறது.