சைதாப்பேட்டையில ராதாரவி பிரச்சாரம் தொடக்கம்

சென்னை:

சைதாப்பேட்டைக்கான அதிமுக வேட்பாளர் நடிகர் ராதாரவி தனது பிரச்சாரத்தை இன்று துவக்கினார்.

இன்று காலை பொதுப்பணித்துறை அமைச்சர் பன்னீர்செல்வம், நிதியமைச்சர் பொன்னையன், சட்ட அமைச்சர்ஜெயக்குமார் ஆகியோருடன் அவர் பிரச்சாரத்தைத் துவக்கினார்.

இவர்களுடன் நூற்றுக்கணக்கான அதிமுகவினரும் உடன் சென்றனர்.

காலை இந்தத் தொகுதிக்குள் அடங்கிய சி.ஐ.டி. நகர், ஜோன்ஸ் தெரு ஆகிய இடங்களில் ராதாரவி வீடு வீடாகபிரச்சாரத்தில் ஈடுபட்டார்.

நேற்று தான் திமுக வேட்பாளர் மா.சுப்பிரமணியனும் பிரச்சாரத்தைத் தொடங்கினார். இன்றும் அவர் தொடர்ந்துதீவிர பிரச்சாரத்தில் ஈடுபட்டார். திமுக பொதுச் செயலாளர் அன்பழகன் இவருக்காக நேற்று பிரச்சாரம் செய்தார்.