பா.ம.கவுக்கு அமைச்சர் பதவி: பிரதமருடன் ராமதாஸ் சந்திப்பு

சென்னை:

விரைவில் மாற்றம் செய்யப்படவுள்ள மத்திய அமைச்சரவையில் பா.ம.கவுக்கு இடம் தர பிரதமர் வாஜ்பாய் முடிவு செய்துள்ளார்.

இது குறித்து விவாதிக்கவும் அமைச்சர் பதவிக்கான நபரை சிபாரிசு செய்யவும் வாஜ்பாயை ராமதாஸ் நேற்று டெல்லியில் சந்தித்துப்பேசினார். அப்போது, ஜனாதிபதி தேர்தலில் பிரதமர் அறிவிக்கும் எந்த வேட்பாளருக்கும் ஆதரவு தருவதாக ராமதாஸ் உறுதியளித்தார்.

தங்களுக்கு ஒரு கேபினட் பதவியும் ஒரு இணையமைச்சர் பதவியும் வேண்டும் என ராமதாஸ் கோரிக்கை வைத்தாகக் கூறப்படுகிறது.

கடந்த சட்டமன்றத் தேர்தலின்போதுதான் மத்தியக் கூட்டணியில் இருந்து பா.ம.க. வெளியேறியது. அதிமுகவுடன் கூட்டணிஅமைப்பதற்காக இந்த நடவடிக்கையில் இறங்கினார் ரர்மதாஸ்.

சில மாதங்களுக்கு முன் மீண்டும் கூட்டணியில் ஐக்கியமானார். அப்போது முதல் அமைச்சரவையில் இடம் கேட்டு வருகிறார். முன்புகூட்டணியில் இருந்தபோது பா.மகவுக்கு அமைச்சரவையில் இடம் தரப்பட்டிருந்தது.