சேலம் அருகே வேன் கவிழ்ந்து 3 பேர் பலி

சேலம்:

சேலம் அருகே நேற்று மாலை ஒரு வேன் தலைகீழாகக் கவிழ்ந்ததில் 3 பேர் உடல் நசுங்கி உயிரிழந்தனர். 42 பேர்காயமடைந்தனர்.

சேலம் அருகே நேற்று ஒரு வேன் சென்று கொண்டிருந்தது. அதில் அளவுக்கு அதிகமான பயணிகள்ஏற்றப்பட்டிருந்தனர்.

அப்போது, திடீரென்று கட்டுப்பாட்டை இழந்து தாறுமாறாக ஓட ஆரம்பித்தது. வெகு வேகத்துடன் இந்த வேன்சென்று கொண்டிருந்ததால், தாறுமாறாக ஓடிய வேன் அப்படியே தலைகீழாகக் கவிழ்ந்து அருகிலிருந்த பள்ளத்தில்விழுந்தது.

இதில் மூன்று பேர் வேனுக்குள் சிக்கி உடல் நசுங்கி அந்த இடத்திலேயே உயிரிழந்தனர்.

விபத்தில் காயமடைந்த 42 பேர் சேலம் அரசு மருத்துவமனை உள்பட பல்வேறு மருத்துவமனைகளில்சேர்க்கப்பட்டுள்ளனர்.

இவ்விபத்து குறித்து போலீசார் வழக்குப் பதிவு செய்து விசாரித்து வருகின்றனர்.