இந்தியாவுக்கு அறிவுரை தேவையில்லை: அமெரிக்கா

வாஷிங்டன்:

இந்தியா எதையும் சரியாகப் புரிந்து கொள்ளும் திறன் மிக்க ஒரு நாடு என்பதால் அதற்கு அறிவுரை சொல்லமாட்டோம் என்று அமெரிக்க தலைவர்கள் கூறியதாக இந்தியப் பாதுகாப்புத்துறை செயலாளர் யோகேந்திரநரெய்ன் தெரிவித்தார்.

தற்போது அமெரிக்காவுக்குச் சென்றுள்ள நரெய்ன் அந்நாட்டு வெளியுறவுத்துறை அமைச்சர் ரிச்சர்ட் ஆர்மிட்டேஜ்உள்ளிட்ட பல தலைவர்களையும் சந்தித்துப் பேச்சு வார்த்தை நடத்தினார்.

இந்திய-பாகிஸ்தான் எல்லையில் பதற்றமான சூழ்நிலை அதிகரித்துள்ள போதிலும் எந்த விதத்திலும் இந்தியாவுக்குஅமெரிக்கா அறிவுரை வழங்காது என்று அப்போது அவரிடம் அமெரிக்கத் தலைவர்கள் கூறியதாக நரெய்ன்நிருபர்களிடம் தெரிவித்தார்.

பாகிஸ்தானுக்கு எதிராக நடவடிக்கை எடுப்பது தங்கள் நாட்டுக்கு நல்லது தான் என்று உண்மையிலேயேநினைத்தால் மட்டுமே இந்தியா அதுபோன்ற நடவடிக்கைகளில் இறங்கும் என்று அமெரிக்க தலைவர்கள் கூறியதாகநரெய்ன் கூறினார்.

மேலும் எல்லை தாண்டிய பயங்கரவாதத்தை நிறுத்த வேண்டும் என்று பாகிஸ்தானை அமெரிக்கா தொடர்ந்துதீவிரமாக வற்புறுத்தும் என்றும் நரெய்ன் நம்பிக்கை தெரிவித்தார்.