இன்று மீலாடி நபி: ஆளுநர், ஸ்டாலின் வாழ்த்து

சென்னை:

நபிகள் நாயகம் பிறந்த நாளான மீலாடி நபி இன்று கொண்டாடப்படுவதை முன்னிட்டு தமிழக ஆளுநர்ராமமோகன் ராவ் மற்றும் சென்னை மாநகர மேயர் மு.க. ஸ்டாலின் ஆகியோர் மக்களுக்கு வாழ்த்துத்தெரிவித்தள்ளனர்.

ராவ் தெரிவித்துள்ள வாழ்த்துச் செய்தியில், முகம்மது நபி அவர்கள் கற்றுக் கொடுத்த சகோதரத்துவம், நன்னடத்தைபோன்ற போதனைகளை நாம் நினைவில் கொள்ள வேண்டிய சரியான நேரம் இது என்று கூறியுள்ளார்.

ஸ்டாலின் தன்னுடைய வாழ்த்துச் செய்தியில்,

உலகிற்கு புனித திருமறையை வழங்கிய நபிகள் நாயகத்தின் பிறந்த நாள் இது.

உலகின் பல பகுதிகளிலும் நிலவி வரும் அமைதியின்மை, போராட்டங்கள் ஆகியவற்றிற்கு நபிகள் நாயகத்தின்வழிகாட்டுதல்கள் சிறந்ததொரு தீர்வாக அமையும் என்பதில் ஐயமில்லை.

சாதி மத பேதங்களைக் களைந்து அனைவரும் ஒருங்கிணைந்து வாழ உறுதி பூணுவோம் என்று கூறியுள்ளார்ஸ்டாலின்.