தேர்தலில் தோல்வி: காதலில் வெற்றி

அச்சிரப்பாக்கம்:

அரசியல் தேர்தலில் தோல்வியுற்றாலும் கூட காதல் தேர்தலில் வெற்றி பெற்றுள்ளார் அச்சிரப்பாக்கம் தொகுதி பாமக வேட்பாளர்பார்வேந்தன்.

சமீபத்தில் நடந்து முடிந்த சட்டசபை இடைத் தேர்தலில் அச்சிரப்பாக்கம் தொகுதியில் பாமக சார்பில் பார்வேந்தன் போட்டியிட்டார்.தோல்வியுற்றார்.

ஆனால், தனது காதலில் அவர் வெற்றி பெற்றுள்ளார். தான் காதலித்து வந்த கல்லூரி ஆசிரியர் பிந்துவை வாக்கு எண்ணிக்கை நடந்த 2ம்தேதியே நாகர்கோவிலில் வைத்து திருமணம் செய்து கொண்டுள்ளார் பார்வேந்தன்.

நாகர்கோவிலைச் சேர்ந்தவர் பிந்து. இவர் சென்னையில் ஒரு கல்லூரியில் ஆசிரியராக உள்ளார். இவரை பார்வேந்தன் காதலித்து வந்தார்.இருவரது வீட்டிலும் இதற்கு சம்மதம் தெரிவித்து 2ம் தேதி திருமணத்திற்கு நாள் குறிக்கப்பட்டிருந்தது. இதனிடையில் பார்வேந்தன் பா.ம.க.சார்பில் வேட்பாளராக தேர்வு செய்யப்பட்டார்.