மத்திய அமைச்சராகிறார் வைகோ

டெல்லி:

மதிமுக பொதுச் செயலாளர் வைகோ மத்திய அமைச்சராகவுள்ளார்.

மத்திய அமைச்சரவையில் பெரும் மாற்றங்களைக் கொண்டு வர பிரதமர் வாஜ்பாய் திட்டமிட்டுள்ளார்.

முதலில் அடுத்த வாரம் இந்த மாற்றங்களைச் செய்ய பிரதமர் திட்டமிட்டிருந்தார். ஆனால், பா.ஜ.கவில் யாரைஅமைச்சராக்குவது என்பதில் பிரச்சனை ஏற்பட்டுள்ளது.

பல மூத்த தலைவர்களும் அமைச்சர் பதவிக்கு வர போட்டியிடுவதால் அமைச்சரவை விரிவாக்கம் செய்வது சிறிதுதாமதமாகும் என்று தெரிகிறது.

ஆனால், இம் மாத இறுதியில் அல்லது அடுத்த மாத துவக்கத்தில் அமைச்சரவை விரிவாக்கம் இருக்கும் என்றுபிரதமர் அலுவலக வட்டாரங்கள் தெரிவித்துள்ளன.

இதுவரை ஒதுங்கியே இருந்து வரும் மதிமுக பொதுச் செயலாளர் வைகோவை மத்திய அமைச்சராக்க வாஜ்பாய்முடிவு செய்துள்ளார். முதலில் வி.பி. சிங் காலத்தில் வைகோவுக்கு மத்திய அமைச்சர் பதவி தேடி வந்தது. ஆனால்,திமுக தலைவர் கருணாநிதி அதை விரும்பாததால் பதவி தரப்படவில்லை.

வாஜ்பாய் மூன்றாவது முறையாக பிரதமரானபோது மத்திய அமைச்சரவையில் சேருமாறு வைகோவைவலியுறுத்தினார். ஆனால், தனது கட்சியைச் சேர்ந்த இருவரை மத்திய அமைச்சராக்கிவிட்டு ஒதுங்கினார் வைகோ.

தேசிய ஜனநாயகக் கூட்டணியில் பிரதமருக்கு முழு ஆதரவாய் இருக்கும் தலைவர்களில் ஒருவர் வைகோ. திமுக,பா.ம.கா. போன்றவை மோதல் போக்கை கடைபிடித்தபோது கூட வைகோ தொடர்ந்து வாஜ்பாய்க்கு ஆதரவளித்துவருகிறார்.

இதனால் பிரதமரின் மிகுந்த நம்பிக்கைக்கு உரியவராகியுள்ளார் வைகோ. அதே போல உள்துறை அமைச்சர்அத்வானி, நாடாளுமன்ற விவகாரத்துறை அமைச்சர் பிரமோத் மகாஜன் ஆகியோரின் அன்புக்கும்பாத்திரமாகியுள்ளார்.

இதனால் வைகோவை கேபினட் அமைச்சராக்க வாஜ்பாய் திட்டமிட்டுள்ளார். இது தொடர்பாக வைகோவுடன்பிரதமர் பேசியிருப்பதாகத் தெரிகிறது.

அதே போல பாட்டாளி மக்கள் கட்சியைச் சேர்ந்த 2 பேருக்கும், திருநாவுக்கரசுக்கும் மத்திய அமைச்சர் பதவிதரப்படும் என்று தெரிகிறது.

இப்போது மத்திய அமைச்சரவையில் 31 கேபினட் அமைச்சர்கள், 33 இணை அமைச்சர்கள், 6 தனிப் பொறுப்புகொண்ட அமைச்சர்களும் உள்ளனர். பிரதமரையும் சேர்த்து மொத்தம் 71 பேர் அமைச்சர்களாக உள்ளனர்.

இந்த எண்ணிக்கையை குறைக்கவும் ஆர்.எஸ்.எஸ். அமைப்பைச் சேர்ந்த அனந்த்குமார் ஆகியோரை மீண்டும்கட்சிப் பணிக்கு அனுப்பவும் திட்டமிட்டுள்ளார். சுமார் 10 அமைச்சர்கள் பதவி இழக்கும் வாய்ப்புள்ளதாகக்கூறப்படுகிறது.