முஷாரப் பல்டி: மீண்டும் வருகிறார் அமெரிக்க அமைச்சர்

நியூயார்க்:

அமெரிக்க பாதுகாப்புத்துறை துணை அமைச்சர் ரிச்சர்ட் ஆர்மிடேஜ் வரும் ஆகஸ்ட் 6ம் தேதி மீண்டும் இந்தியா,பாகிஸ்தானுக்கு வருகை தரவுள்ளார்.

3 வாரங்களுக்கு முன் இந்திய- பாகிஸ்தான் எல்லையில் போர் மேகங்கள் சூழ்ந்த நேரத்தில் ரிச்சர்ட் ஆர்மிடேஜ்மூலம் தான் அமைதி திரும்பியது. பாகிஸ்தான் சென்று அந் நாட்டு ராணுவ ஆட்சியாளர் முஷாரபை சந்தித்தஆர்மிடேஜ் தீவிரவாதிகள் இந்தியாவுக்குள் நுழைவதைத் தடுத்து நிறுத்துமாறு கூறினார்.

தான் முஷாரபிடம் பேசிய விவரங்களையும் வெளியிட்டார். தீவிரவாதிகள் இந்தியாவுக்குள் நுழைவதைநிரந்தரமாகத் தடுக்க வேண்டும், தீவிரவாத முகாம்களை மூட வேண்டும் என்று முஷாரபிடம் கூறியதாகஆர்மிடேஜ் விளக்கம் தந்தார்.

அப்போது தான் இந்தியத் தாக்குதலை தடுக்க பாகிஸ்தானுக்கு அமெரிக்கா உதவும் எனவும் அவர் திட்டவட்டமாககூறியதையடுத்துத் தான் சில நடவடிக்கைகளை முஷாரப் எடுத்தார். தீவிரவாதிகளை இந்தியாவுக்குள்அனுப்புவதை நிறுத்த ராணுவத்துக்கு உத்தரவிட்டார்.

இதைத் தொடர்ந்து இந்தியா வந்த ஆர்மிடேஜ் தீவிரவாதிகளைத் தடுப்பதாக என்னிடம் முஷாரப் உறுதிமொழிதந்துள்ளார். எனவே, தாக்குதல் நடத்தும் திட்டத்தை இந்தியா கைவிட வேண்டும் என்றார். இதை ஏற்றுஇந்தியாவும் அமைதியானது.

ஆனால், திடீரென தீவிரவாதிகளை நிரந்தரமாக தடுப்பதாக நான் ஆர்மிடேஜிடம் உறுதிமொழி ஏதும் தரவில்லைஎன்று முஷாரப் பல்டி அடித்தார்.

இதை அமெரிக்கா கண்டித்தது. எங்களிடம் முஷாரப் உறுதிமொழி தந்தது உண்மை என இந்தியாவில் உள்ளதூதரகத்தின் மூலம் விளக்கம் தந்து முஷாரபுக்கு அமெரிக்கா அதிர்ச்சி தந்தது.

அத்தோடு நிறுத்தாமல் ஆர்மிடேஜை மீண்டும் பாகிஸ்தானுக்கு அனுப்பவும் அமெரிக்கா முடிவு செய்துள்ளது.நேற்று நியூயார்க்கில் நிருபர்களிடம் பேசிய ஆர்மிடேஜ், நான் ஆகஸ்ட் 6ம் தேதி மீண்டும் பாகிஸ்தான் சென்றுமுஷாரபை சந்தித்துப் பேச உள்ளேன். அப்போது டெல்லிக்கும் சென்று இந்தியத் தலைவர்களையும் சந்திப்பேன்என்றார்.

இந் நிலையில் நேற்று நிருபர்களிடம் பேசிய முஷாரப், காஷ்மீர் பிரச்சனையை உடனே தீர்க்க இந்தியா பேச்சுநடத்த வேண்டும். இல்லாவிட்டால் காஷ்மீர் இன்னொரு பாலஸ்தீனப் பிரச்சனையாக மாறிவிடும் என்றார்.

தீவிரவாதிகளை அடக்கிவிட்டு வந்தால் தான் பாகிஸ்தானுடன் பேச்சு என்ற எங்களது நிலையில் எந்த மாற்றமும்இல்லை என இந்திய வெளியுவுத்துறை செய்தித் தொடர்பாளர் நிருபமா ராவ் முஷாரபுக்கு பதில் தந்துள்ளார்.