தமிழகத்திற்கு 10 மத்திய அமைச்சர்கள்

சென்னை:

மத்திய அமைச்சரவையில் தமிழகத்தைச் சேர்ந்த 10 பேர் இடம் பெற்றுள்ளனர். இது ஒரு புதியசாதனை ஆகும். தமிழகத்திலிருந்து இதுவரை இத்தனை பேர்மத்திய அமைச்சர்களாக இருந்ததில்லை.

பிரதமர் வாஜ்பாய் தலைமையிலான மத்திய அமைச்சரவை நேற்று (திங்கள்கிழமை) மாற்றியமைக்கப்பட்டது. இப்போது அமைச்சரவையில் மொத்தம்76 பேர் இடம் பெற்றுள்ளனர்.

அப்போது தமிழகத்தைச் சேர்ந்த ஜனா கிருஷ்ணமூர்த்தி, திருநாவுக்கரசர், என்.டி. சண்முகம், ஏ.கே. மூர்த்தி ஆகியோர் புதிய அமைச்சர்களாகப்பொறுப்பேற்றனர். இதைத் தொடர்ந்து தமிழகத்தைச் சேர்ந்த மத்திய அமைச்சர்களின் எண்ணிக்கை 10 ஆக உயர்ந்தது.

இதற்கு முன்பு காங்கிரஸ் கட்சி மத்திய ஆட்சிப் பொறுப்பில் இருந்தபோது ஒன்று அல்லது இரண்டு பேரே மத்திய அமைச்சர்களாகும் பாக்கியத்தைப்பெற்றிருந்தனர். காங்கிரஸுக்குப் பின்னால் வந்த வி.பி.சிங் ஆட்சியிலும் இதே நிலையே நீடித்தது.

ஆனால் பா.ஜ.க. கூட்டணி ஆட்சிக்கு வந்த பிறகு இந்நிலை மாறியது. மத்திய அமைச்சரவையில் தமிழகத்திற்கு அதிக அளவில் முக்கியத்துவம்கொடுக்கப்பட்டது.

தற்போது மத்திய அமைச்சரவையில் உள்ள 10 தமிழர்களில் திமுகவுக்கு 3, பாஜகவுக்கு 3, மதிமுகவுக்கு 2 மற்றும் பாமகவுக்கு 2 என பிரதிநிதித்துவம்கொடுக்கப்பட்டுள்ளது.

தமிழக அமைச்சர்கள் விவரம்:

முரசொலி மாறன், டி.ஆர். பாலு, ராஜா, ஜனா கிருஷ்ணமூர்த்தி, பொன். ராதாகிருஷ்ணன், திருநாவுக்கரசர், என்.டி. சண்முகம், ஏ.கே. மூர்த்தி, செஞ்சிராமச்சந்திரன், கண்ணப்பன்.

-->