மத்திய அமைச்சரவையில் மீண்டும் மாற்றம்?

டெல்லி:

மத்திய பிரதேச பா.ஜ.க. தலைவராக மத்திய விளையாட்டுத் துறை அமைச்சர் உமா பாரதி விரைவில்நியமிக்கப்படுவதைத் தொடர்ந்து மீண்டும் மத்திய அமைச்சரவையில் மாற்றம் கொண்டுவரப்படும் என்றுதெரிகிறது.

கடந்த திங்கள்கிழமை (ஜூலை 1) மத்திய அமைச்சரவையில் பெரும் மாறுதல்கள் செய்யப்பட்டன. மேலும் 4கேபினட் அமைச்சர்களும் 9 இணை அமைச்சர்களும் புதிதாக நியமிக்கப்பட்டனர்.

பா.ஜ.க. தலைவராக இருந்த ஜனா கிருஷ்ணமூர்த்தியை வம்படியாக அப்பதவியிலிருந்து ராஜினாமா செய்ய வைத்தபின்னர், அவரைச் சமாதானப்படுத்துவதற்காக சட்டத்துறை அமைச்சர் பதவி அவருக்கு அளிக்கப்பட்டது.

நிதி அமைச்சராக இருந்த யஷ்வந்த் சின்ஹாவும் வெளியுறவுத்துறை அமைச்சராக இருந்த ஜஸ்வந்த் சிங்கும் தங்கள்பதவிகளை ஒருவருக்கொருவர் மாற்றிக் கொண்டனர்.

முன்னதாக யஷ்வந்த் சின்ஹாவைப் அமைச்சர் பதவியிலிருந்து தூக்கிவிட்டு அவரை உத்தராஞ்சல் மாநிலமுதல்வராக்க முடிவு செய்யப்பட்டிருந்தது. ஆனால் அவர் அதை ஏற்றுக் கொள்ளவில்லை. இதையடுத்து அவருக்குவெளியுறவுத்துறை அளிக்கப்பட்டது.

இதற்கிடையே திரிணாமூல் காங்கிரஸ் தலைவரான மம்தா பானர்ஜி தனக்கு ரயில்வே துறை அளிக்கப்பட வேண்டும்என்று கடைசி வரை பிடிவாதம் பிடித்து வந்தார். ஆனால் அத்துறையை அவருக்கு அளிக்க பிரதமர் வாஜ்பாய்மறுத்ததையடுத்து, புதிய அமைச்சரவைப் பதவியேற்பு நிகழ்ச்சியையே புறக்கணித்தார் மம்தா.

இருந்தாலும் அவர் மீண்டும் அமைச்சரவைக்கு வரலாம் என்று இன்னும் கூறப்பட்டு வருகிறது.

இந்நிலையில் மத்திய பிரதேச பா.ஜ.க. தலைவராக உமா பாரதி நியமிக்கப்படவுள்ளார். இதையடுத்து தற்போதுஅவர் வகித்து வரும் மத்திய விளையாட்டுத்துறை அமைச்சர் பதவி காலியாகவுள்ளது.

எனவே இத்துறைக்கு வேறு அமைச்சரை நியமிப்பதற்காக விரைவில் மத்திய அமைச்சரவை மீண்டும் மாற்றப்படும்என்று தெரிகிறது.