குமாரதாஸ் நீக்கப்படுவாரா? - தமாகா இன்று முடிவு

சென்னை:

இன்று சென்னையில் கூடவுள்ள தமாகா பொதுக்குழுக் கூட்டத்தில் அக்கட்சியின் அதிருப்தி எம்.எல்.ஏவான டாக்டர்குமாரதாஸ் கலந்து கொள்ளவில்லை என்றால் அவர் கட்சியிலிருந்து நீக்கப்படலாம் என்று தெரிகிறது.

காங்கிரசுடன் இணைவது என்று தமாகா எடுத்த முடிவை ஆரம்பத்திலிருந்தே கிள்ளியூர் எம்.எல்.ஏவான டாக்டர்குமாரதாஸ் எதிர்த்து வருகிறார். மேலும் காங்கிரசுடன் தமாகா இணைந்த பிறகு தனிக் கட்சி ஒன்றைத்தொடங்குவதற்கும் அவர் திட்டமிட்டுள்ளார்.

இந்நிலையில் காங்கிரஸ் கட்சியுடன் தமாகாவை இணைப்பதற்கான தீர்மானம் இன்று கூடவுள்ள தமாகாபொதுக்குழுக் கூட்டத்தில் நிறைவேற்றப்படவுள்ளது.

டாக்டர் குமாரதாசும் அவருடைய ஆதரவாளர்களும் இன்றைய கூட்டத்தில் கலந்து கொண்டு தீர்மானத்தைஆதரிப்பார்களா என்பது குறித்து இன்று தெரிந்து விடும்.

அவர்கள் இன்றைய கூட்டத்தைப் புறக்கணித்தால் அவர்கள் அனைவரையும் கட்சியிலிருந்து நீக்குவது பற்றிபொதுக்குழு முடிவு செய்யும் என்று தெரிகிறது.

சென்னை காமராஜர் அரங்கில் இன்று காலை 10 மணிக்கு தமாகாவின் இந்த இறுதிப் பொதுக்குழு கூடுகிறது.இக்கூட்டத்தில் 900 பொதுக்குழு உறுப்பினர்களும், 200 செயற்குழு உறுப்பினர்களும் கலந்து கொள்கின்றனர்.

முன்னதாக காலை 9.30 மணிக்கு தமாகா தலைவர் ஜி.கே. வாசன் மற்றும் நிர்வாகிகள் அனைவரும் மூப்பனாரின்நினைவிடத்தில் மலர் அஞ்சலி செலுத்துகின்றனர்.

காங்கிரசுடன் தமாகாவை இணைக்கும் விழா வரும் ஆகஸ்டு 14ம் தேதி மதுரையில் நடைபெறவுள்ளது என்பதுநினைவிருக்கலாம்.