தமிழகத்திற்கு தண்ணீர் தரவில்லை: கர்நாடகம்

பெங்களூர்:

தமிழகத்துக்கு காவிரியில் நீர் விடப்படவில்லை என கர்நாடக சட்டசபையில் அம் மாநில நீர்வளத்துறை அமைச்சர் பாட்டீல் தெரிவித்தார்.

முன்னதாக பேசிய சுயேச்சை உறுப்பினரான சித்தராஜூ, கிருஷ்ணராஜ சாகர் அணைக்கட்டில் இருந்து தமிழகத்துக்கு தண்ணீர்திறந்துவிடப்பட்டதாகவும் இது குறித்து அரசு விளக்கம் தர வேண்டும் என்றும் கோரினார்.

அப்போது பேசிய அமைச்சர் பாட்டீல்,

தமிழகத்துக்கு கர்நாடகத்தின் எந்த அணையில் இருந்தும் தண்ணீர் திறந்துவிடப்படவில்லை. இது குறித்து உச்ச நீதிமன்றத்தில் தமிழக அரசுவழக்குத் தொடர்ந்திருப்பதால் சட்டசபையில் அது தொடர்பாக விவாதிக்க முடியாது.

வேறு எங்கு வேண்டுமானாலும் போய் இது குறித்து விசாரித்துக் கொள்ளலாம் என்று பாட்டீல் கூறினார்.