நாடு முழுவதும் மோடி ஜெராக்ஸ் நிறுவனங்களில் ரெய்ட்

டெல்லி:

இந்தியா முழுவதும் உள்ள மோடி ஜெராக்ஸ் நிறுவனங்களில் வருமான வரித்துறையினர் சோதனையில் ஈடுபட்டுள்ளனர். இந்தநிறுவனத்துக்குச் சொந்தமான 33 அலுவலகங்கள், கடைகளில் இன்று காலை முதல் சோதனைகள் நடந்து வருகின்றன.

போடோ காப்பி எடுக்கும் கருவிகளைத் தயாரித்து வரும் ஜெராக்ஸ் நிறுவனம் சமீபத்தில் ஒரு அதிர்ச்சிகரமான தகவலைவெளியிட்டது. அந் நிறுவனத்தின் இந்தியப் பிரிவான மோடி-ஜெராக்ஸ் நிறுவனம், ஆர்டர்களைப் பெறுவதற்காக பல்வேறு அரசுஅதிகாரிகளுக்கு கோடிக்கணக்கில் லஞ்சம் தந்துள்ளதாக தகவல் வெளியிட்டது.

இந்த நிறுவனத்திடம் லஞ்சம் பெற்ற அதிகாரிகளைக் கையும் களவுமாகப் பிடிக்க மத்திய அரசு முடிவு செய்துள்ளது. இதையடுத்துஇந்தச் சோதனைகள் நடத்தப்பட்டு வருகின்றன.

டெல்லியில் உள்ள மோடி குரூப் நிறுவனத்துக்கு சொந்தமான 20 இடங்களிலும் உத்தரப் பிரதேசம், கொல்கத்தாவில் உள்ள இந்நிறுவனத்தின் அலுவலகங்களிலும் சோதனைகள் நடந்து வருகின்றன.