செகல் வாங்கிய கூடுதல் ஓட்டு

டெல்லி:

ஜனாதிபதி தேர்தலில் தன்னைத் தோற்கடித்த அப்துல் கலாமுக்கு கேப்டன் லட்சுமி செகல் வாழ்த்துத் தெரிவித்தார்.

கேரளாவில் இருந்து அவர் வெளியிட்டுள்ள அறிக்கையில், டாக்டர் அப்துல் கலாமுக்கு எனது மனப்பூர்வமான வாழ்த்துக்களைத்தெரிவித்துக் கொள்கிறேன் என்றார்.

கேப்டன் லட்சுமி செகலுக்கு எதிர்பார்க்கப்பட்டதைவிட 17,000 மதிப்புள்ள வாக்குகள் கூடுதலாகக் கிடைத்துள்ளதாக அவரதுதேர்தல் ஏஜெண்டான நிலோத்பல் பாசு கூறினார். அவருக்கு இடதுசாரிக் கட்சியினர் மட்டும் வாக்களித்திருந்தால் 90,000 மதிப்புவாக்குகள் தான் கிடைத்திருக்க வேண்டும். ஆனால், அவர் 1,07,366 வாக்குகள் கிடைத்துள்ளன.

இதன் மூலம் பிற கட்சிகளைச் சேர்ந்த உறுப்பினர்கள் சிலரும் அவருக்கு ஆதரவாக வாக்களித்துள்ளது தெரியவந்துள்ளது.குறிப்பாக பெண் எம்.பி, எம்.எல்.ஏக்கள் அவருக்கு ஆதரவாக வாக்களித்திருக்கலாம் என்று தெரிகிறது.

கலாமுக்கு உலகெங்கும் இருந்தும் வாழ்த்துக்கள் குவிந்தவண்ணம் உள்ளன.