மோதுமா? மோதாதா?: பூமியை நோக்கி வரும் விண்கல்

கலிபோர்னியா:

2019ம் ஆண்டில் பூமியுடன் ஒரு மிகப் பெரிய விண் கல் மோதுவதற்கான வாய்ப்புள்ளதாகத் தெரியவந்துள்ளது.

2 கி.மீ. அகலம் கொண்ட இந்த விண் கல்லுக்கு 2002 என்.டி.7 என்று பெயரிடப்பட்டுள்ளது. இந்தக் கல் சமீபத்தில் தான்கண்டுபிடிக்கப்பட்டது. இது 2019ம் ஆண்டில் பிப்ரவரி 1ம் தேதி பூமியின் பாதையில் எதிர் திசையில் வந்து மோத வாய்ப்புள்ளதாகத்தெரியவந்துள்ளது.

மோதுவதற்கு 2,50,00ல் ஒரு வாய்ப்பு இருப்பதாக விஞ்ஞானிகள் தெரிவித்துள்ளனர். இந்த விண் கல்லை நாசா விஞ்ஞானிகள்கண்காணிக்க ஆரம்பித்துள்ளனர். இதன் பாதை மாறிவிட நிறைய வாய்ப்பபுகள் உள்ளதாக நாசா தெரிவித்துள்ளது.

பூமிக்கு அருகே உள்ள விண் கற்கள் குறித்து ஆராயும் லிங்கன் மைய விஞ்ஞானிகள் நியூமெக்சிகோவில் உள்ள புவியியல் தொலைக்காட்சிமூலம் வானை ஆராய்நதபோது இந்த விண் கல் கண்டுபிடிக்கப்பட்டது. கடந்த 9ம் தேதி அடையாளம் காணப்பட்ட இந்த விண் கல்இப்போது பூமியில் இருந்து 135 மில்லியன் கி.மீ. தொலைவில் உள்ளது.

பூமியை மாதிரியே இதுவும் சூரியனை சுற்றி வருகிறது.

2019ம் ஆண்டில் இந்த விண் கல் மோதாமல் போய்விட்டாலும் கூட 2044, 2053, 2060, 2078ம் ஆண்டுகளில் இந்தக் கல் பூமியின்பாதையில் கிராஸ் செய்யவும் மோதவும் வாய்ப்புகள் உள்ளதும் தெரியவந்துள்ளது.

சூரியனை 837 நாட்களுக்கு ஒரு முறை சுற்றி வரும் இந்த விண் கல் அடுத்த ஒரு வருடத்துக்கு தொடர்ந்து பூமியில் இருந்துதொலைநோக்கிகள் மூலம் பார்க்கும் வகையில் இருக்கும். பின்னர் சூரியனின் பின்னால் மறைந்துவிடும்.

இந்த ஒரு வருட கால கட்டத்தில் இதன் பாதை எப்படி அமைகிறது என்பதை வைத்துத் தான் இது பூமியில் மீது 2019 மோதுமா இல்லையாஎன்பது குறித்து தெரியவரும் என நாசா தெரிவித்துள்ளது.

பல விண் கற்கள் பூமியின் மிக அருகில் சுற்றிக் கொண்டிருந்தாலும் இந்த விண் கல்லின் மிகப் பெரிய சைஸ் தான் விஞ்ஞானிகளைகவலைப்படுத்தியுள்ளது.

இது பூமியின் மீது ஒருவேளை மோதினால் மிகப் பெரிய பாதிப்புகள் ஏற்படலாம் எனவும் நாசா கூறியுள்ளது. மணிக்கு 96,000 கி.மீ.வேகத்தில் பூமியின் மீது மோதும் இந்த விண்கல் 1.2 மில்லியன் மெகா டன் எடை கொண்ட டி.என்.டி. வெடிமருந்து வெடித்தால் ஏற்படும்சேதத்தை உண்டாக்கும்.

கடந்த மாதம் தான் கால்பந்து மைதானத்தின் அளவு கொண்ட ஒரு விண் கல் பூமியை மிக அருகில் எட்டிப் பார்த்துவிட்டுச் சென்றது. பூமியில்இருந்து 1,20,575 கி.மீ. தொலைவு வரை வந்துவிட்டுப் போனது இந்த விண் கல். இவ்வளவு பெரிய விண் கல் இவ்வளவு நெருக்கமாய்பூமியருகே வந்துவிட்டுப் போனது இதுவே முதல்முறையாகும்.