அதிமுகவில் சேர மாட்டேன்: குமாரதாஸ்

நாகர்கோவில்:

காங்கிரஸ் கட்சியுடன் தமாகா இணைவதை எதிர்க்கும் 5 தமாகா எம்.எல்.ஏக்களும் அதிமுகவில் சேர மாட்டோம்என்று கிள்ளியூர் தமாகா எம்.எல்.ஏவான டாக்டர் குமாரதாஸ் கூறினார்.

நாகர்கோவிலில் செய்தியாளர்களிடம் அவர் பேசுகையில்,

நாங்கள் அதிமுகவில் சேர மாட்டோம். அதிமுகவில் சேருமாறு எங்களுக்கு அழைப்பு வரவும் இல்லை. நாங்களும்அவர்களை அணுகவில்லை.

தமாகா தலைவர் ஜி.கே. வாசனின் எதேச்சதிகராமான முடிவு காரணமாகவே நாங்கள் காங்கிரஸ் இணைப்பைஎதிர்க்கிறோம். அது தலைவர் மூப்பனாரின் விருப்பத்திற்கு எதிரான முடிவு.

கட்சியை காங்கிரஸிடம் விற்று விட்டார் வாசன். அவரது போக்கு காரணமாகவே நாங்கள் தமாகாவிலேயேநீடிக்கப் போகிற முடிவை எடுத்தோம்.

ஆனால் அதிமுகவிலோ அல்லது வேறு கட்சியிலோ நாங்கள் சேர மாட்டோம். எங்களது முடிவு சுயமாக எடுத்தமுடிவு தான்.

வரும் 14ம் தேதி மார்த்தாண்டத்தில் போட்டி மாநாடு நடத்தவுள்ளோம். அப்போது மேலும் சில எம்.எல்.ஏக்கள்எங்களுடன் சேரலாம் என்றார் டாக்டர் குமாரதாஸ்.