தமாகாவிலிருந்து குமாரதாஸ் டிஸ்மிஸ்

சென்னை:

தமாகாவின் அதிருப்தி எம்.எல்.ஏவான டாக்டர் குமாரதாஸ் அந்தக் கட்சியின் அடிப்படை உறுப்பினர்பதவியிலிருந்து நீக்கப்பட்டார்.

இது தொடர்பாக தமாகா தலைவர் ஜி.கே. வாசன் இன்று வெளியிட்டுள்ள அறிக்கையில் கூறியுள்ளதாவது:

கட்சி விரோத நடவடிக்கைகளில் ஈடுபட்ட காரணத்திற்காக குமாரதாஸ் கட்சியிலிருந்து நீக்கப்படுகிறார்.

தமாகாவின் ஒழுங்கு நடவடிக்கைக் குழு பலமுறை அவரிடம் விளக்கம் கேட்டு நோட்டீஸ் அனுப்பியும்குமாரதாசிடமிருந்து இதுவரை எந்தவிதமான பதிலும் வரவில்லை. நேரிலும் ஆஜராகி விளக்கம் அளிக்கவில்லை.

எனவே டாக்டர் குமாரதாஸ் தமாகாவின் அடிப்படை உறுப்பினர் பதவியிலிருந்தும் இதரப் பொறுப்புகளிலிருந்தும்நீக்கப்படுகிறார் என்று அவ்வறிக்கையில் வாசன் கூறியுள்ளார்.

காங்கிரசுடன் தமாகா சேர்ந்தாலும் தன்னை தமாகா எம்.எல்.ஏவாகவே கருத வேண்டும் என்று சமீபத்தில் தான்குமாரதாசும் வேறு நான்கு அதிருப்தி எம்.எல்.ஏக்களான எம்.ஏ. ஹக்கீம், ஆர். ஈஸ்வரன், எஸ்.எஸ். மணி நாடார்மற்றும் செ.கு. தமிழரசன் ஆகியோர் சபாநாயகர் காளிமுத்துவிடம் கடிதம் அளித்தனர் என்பது குறிப்பிடத்தக்கது.

இது தொடர்பாக கடந்த வாரம் குமாரதாசை சஸ்பெண்ட் செய்த தமாகா தலைமை ஹக்கீம் மற்றும் ஈஸ்வரன்ஆகியோரிடம் விளக்கம் கேட்டு நோட்டீஸ் அனுப்பியது.

மேலும் மணி நாடாரை சமாதானப் படுத்தும் முயற்சியில் தமாகா இறங்கியுள்ளது. ஆனால் தமாகாவில் இல்லாததமிழரசன் சைக்கிள் சின்னத்தில் போட்டியிட்டுத் தான் எம்.எல்.ஏ. ஆகியுள்ளதால் அவர் மீது என்ன நடவடிக்கைகஎடுக்கலாம் என்று தெரியாமல் தமாகா முழித்து வருகிறது.